Futbolchimiz Anvarjon G‘ofurov O‘zbekiston Superligasining ortda qolgan dastlabki turlarida Farg‘onaning “Neftchi” jamoasi safida barqaror va ishonchli o‘yin namoyish etmoqda. Himoyadagi ishonchli harakatlari va maydondagi faolligi bilan u jamoaning muhim futbolchilaridan biri sifatida ajralib turibdi.
Anvar mavsumni muvaffaqiyatli boshladi. U 1-turda “Mash’al” jamoasiga qarshi bahsda 90 daqiqa maydonda harakat qilib, 1 ta golli uzatma bilan jamoasining hujumlariga muhim hissa qo‘shdi. 2-turda “Surxon” jamoasiga qarshi uchrashuvda ham to‘liq 90 daqiqa o‘ynab, himoyada barqaror o‘yin ko‘rsatdi.
Ayniqsa, 3-tur doirasida Vodiy derbisi — “Andijon” jamoasiga qarshi kechgan murosasiz bahsda Anvar yana 90 daqiqa davomida maydonda harakat qilib, jamoasining himoyasida faol ishtirok etdi. Mazkur uchrashuvda u 1 ta gol kiritib, jamoasining muvaffaqiyatli o‘yiniga muhim hissa qo‘shdi.
Anvarjonga keyingi uchrashuvlarda ham omad va yorqin o‘yinlar tilab qolamiz. ⚽️
Futbolchimiz Abror Ismoilov O‘zbekiston Superligasining ortda qolgan dastlabki turlarida Farg‘onaning “Neftchi” jamoasi safida barqaror va ishonchli o‘yin namoyish etmoqda.
Abror mavsumni faol boshladi. U 1-turda “Mash’al” jamoasiga qarshi bahsda 88 daqiqa maydonda harakat qildi. 2-turda “Surxon” jamoasiga qarshi uchrashuvda 45 daqiqa o‘ynadi.
Ayniqsa, 3-tur doirasida Vodiy derbisi — “Andijon” jamoasiga qarshi kechgan murosasiz uchrashuvda Abror 70 daqiqa maydonda harakat qilib, jamoasining hujumlarida faol ishtirok etdi. Mazkur bahsda u 1 ta golli uzatma amalga oshirib, jamoasining muvaffaqiyatli o‘yiniga muhim hissa qo‘shdi.
Abrorga keyingi uchrashuvlarda ham omad va yanada yorqin o‘yinlar tilab qolamiz.
O‘zbekiston Superligasi 1-tur uchrashuvida futbolchimiz Asilbek Qayumov “Qo‘qon 1912” jamoasiga qarshi kechgan bahsda 88 daqiqa davomida maydonda harakat qildi. Murosasiz va keskin ruhda o‘tgan uchrashuv yakunida “Buxoro” jamoasi 1:0 hisobida muhim g‘alabani qo‘lga kiritdi.
Uchrashuv davomida Asilbek jamoasining o‘yinida faol ishtirok etib, hujumlarni rivojlantirish hamda xavfli vaziyatlar yaratishda muhim rol o‘ynadi. Shu bilan birga, himoyada ham ishonchli harakat qilib, jamoasining natijani saqlab qolishida katta hissa qo‘shdi.
Statistik ma’lumotlarga ko‘ra, futbolchimiz o‘yin davomida darvoza tomon 2 ta aniq zarba yo‘lladi, uzatmalar aniqligi 63% ni tashkil etdi. Bundan tashqari, u qatnashgan yakka kurashlarning 60% ida ustun keldi, bu esa uning maydondagi faolligi va kurashuvchanligini yana bir bor namoyon etdi.
Futbolchimizga mavsumning keyingi uchrashuvlarida ham omad va muvaffaqiyat tilab qolamiz.